.png)
Gazeta Si – Me hedhjen e shortit dhe zbardhjen e kalendarit të ndeshjeve në grupet e Euro 2024, ka nisur edhe shitja e biletave. UEFA njofton se ka nisur procesi i shitjes së biletave të ndeshjeve të ‘Gjermani 2024’.
Ata që janë të interesuar të pajisen me bileta për ndeshjet e Kombëtares në Gjermani mund të hyjnë në faqen zyrtare të UEFA.com, përmes linkut bashkëngjitur: https://www.uefa.com/euro2024/ticketing/).
Biletat për ndeshjet e Euro 2024 shiten vetëm në faqen zyrtare të UEFA-s, ndërsa FSHF ka bërë me dije për opinionin publik se nuk shet asnjë biletë për tifozët e Kombëtares. Tifozët duhet së pari të krijojnë një llogari në faqen zyrtare të UEFA-s dhe pastaj të aplikojnë për bileta për ndeshjet e preferuara. Regjistrimi është i hapur deri më 12 dhjetor 2023.
Shqipëria e nis Europianin e Gjermanisë më 15 qershor, në Durtmund, ku do të ndeshet me Italinë. Më 19 qershor luan me Kroacinë në Hamburg dhe më 24 qershor me Spanjën në Dyseldorf.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
