.png)
Gazeta Si - Nga kjo e diel, 1 maj 2022, të gjithë udhëtarët që futen në Shqipëri nuk do të kenë nevojë të paraqesin në pikat kufitare dokument vaksinimi për Sars Cov2.
Kjo vlen edhe për dokumentin e testimit negativ për Covid 19 apo certifikatë shërimi nga ky infeksion për të gjithë shtetasit.
Vendimi u mor para pak ditësh nga Komiteti Teknik i Eksspertëve, ku u hoq detyrimi i mbajtjes së maskës në mjedise të mbyllura, lejimi i muzikës pas orës 23.00 dhe rihapja e klubeve të natës.
Kur kanë kaluar dy vite nga rastet e para zyrtare me Covid, edhe Shqipëria futet në shtetet që kanë lehtësuar masat për koronavirusin.
Pavarësisht heqjes së regjimit të pandemisë, ekspertët këmbëngulin në vaksinimin e popullatës madje dhe duke sanksionuar dozën e katërt.
Ndërkohë Kosova ende vazhdon me procedurën e masave kufizuese, duke kërkuar certifikatë vaksinimi apo teste për Covid-19.
Në Morinë ka pasur fluks të lartë të qytetarëve dhe mjeteve, ndërsa policia kufitare po zbaton procedurën e përshpejtuar për të shmangur radhët.
Shtatë sportele janë në funksion të plotë, ndërsa për ditët e e festave janë dhënë udhëzime të veçanta lehtësimi nga Drejtoria e Policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
