.png)
Ministria e Financave dhe Ekonomisë, MFE, do të inspektojë subjektet arsimore private dhe publike profesionale, AFP, për rritjen e cilësisë të tyre, të akreditimit dhe monitorimit.
Në vendimin e botuar në fletoren zyrtare thuhet se përparësi inspektimi do të kenë subjektet me një të shkuar problematike dhe që i janë lënë rekomandime, subjektet me nxënës me rezultate të dobëta në vitet shkollore dhe në provimet e maturës shtetërore apo profesionale.
Vendimi i MFE përcakton se inspektimi i ofruesve të arsimit profesional do të jenë në katër lloje bazuar nga ankesat, plotësimi i prioriteteve të këtyre institucioneve apo dhe inspektimi i detyrave të lëna.
Inspektimet do të jenë të pa lajmëruara disa herë, ai i orientuar që është një proces konkret të veprimtarisë së ofruesve të arsimit profesional për të cilin ka një ankesë apo ka informacion për shkelje të legjislacionit për arsimin profesional. . Inspektimi tematik do të jetë i planifikuar dhe synon kontrollin, monitorimin dhe vlerësimin e fushave të caktuara të funksionimit të ofruesit të arsimit profesional, të cilat konsiderohen përparësi për politikat e tyre.
Ministria synon të realizojë dhe inspektimin kulturor të përgjithshëm në shkollat profesionale.
Pas 3 muajve, MFE do të miratojë rregulloren e brendshme me më shumë detaje për inspektimin e shkollave profesionale. Subjektet janë të detyruar të korrigjojnë shkeljet brenda afateve dhe t’i njoftojë ato, në të kundërt, Ministria e Arsimit mund të vendosë dhe mbylljen e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje