.png)
Nga Gazeta ‘SI’ - Komuniteti i Energjisë ka shpallur objektivat individuale të shteteve për përshtatjen e burimeve të rinovueshme dhe reduktimin e gazeve serë deri në 2030-n.
Targeti i burimeve të rinovueshme nis nga 27% për Ukrainën e deri në 52% për Shqipërisë.
Krahasuar me objektivat e vitit 2020, rritja më e madhe midis shteteve të Ballkanit Perëndimor është planifikuar për Malin e Zi dhe më e ulëta për Bosnjë Hercegovinën. Nëse përmbushen objektivat, Shqipëria dhe Mali i Zi do të mbulojnë 50% të konsumit final bruto të energjisë me burime të rinovueshme.
Nën presidencën në detyrë të Ukrainës, e cila ia dorëzoi Shqipërisë, Këshilli Ministror i Komunitetit të Energjisë ra dakord për një objektiv prej 31% të energjisë nga burimet e rinovueshme në konsumin bruto të energjisë finale.
Për herë të parë, shtetet e përfshira në marrëveshje u janë dhënë objektiva për emetimet e gazeve serë, ku reduktimin më të madh duhet ta bëjë Maqedonia e Veriut, me 82% nga 1990-a, ndërsa më e ulëta është rezervuar për Kosovën, 16.3%.
Shqipëria do të mund të të rrisë emetimet e saj me 53.2%.
Këshilli i Ministrave ra dakord që të nëntë palët kontraktuese duhet të ulin emetimet e gazeve serë me 60.9% kundrejt niveleve të vitit 1990. Palët kontraktuese morën gjithashtu objektiva për konsumin primar dhe final të energjisë.
Reduktimi më i madh i konsumit të energjisë primare është planifikuar për Kosovën nga 4.7 në 2.7 milion ton ekuivalent nafte. E njëjta palë kontraktuese do të duhet gjithashtu të arrijë reduktimin më të madh të konsumit final të energjisë.
Është interesante se pothuajse të gjitha vendet, përveç Kosovës, do të rrisin e jo do të ulin konsumin e energjisë finale.
Më parë, këshilli ra dakord të kufizonte konsumin e energjisë primare të të gjitha shteteve në 129.88 megaton ekuivalent nafte dhe sasinë e konsumit final të energjisë në 79.06 megaton.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
