Kishte marrë një ambient me qira, duke e përshtatur atë në një ambient për muzikë tallava dhe striptizëm, por që në të vërtetë ishte maskim për shpërndarje kokaine dhe prostitucion.
43-vjeçari Edmond Çipllaka, banues në qytetin e Fierit, u arrestua nga policia me akuzat “prodhimi dhe shitja e narkotikëve”, “shfrytëzimi i prostitucionit” , “mbajtja e lokaleve për prostitucion” dhe “fshehja e të ardhurave”.
Pesë vajza, që policia dyshon se ushtronin prostitucion në lokalin e 43-vjeçarit po ndiqen penalisht në gjendje të lirë.
Policia thotë se veç këtyre akuzave, 43-vjeçari akuzohet edhe për fshehje të të ardhurave dhe shmangie të detyrimeve tatimore, pasi nuk ishte i pajisur me kasë fiskale gjatë ushtrimit të aktivitetit në lokal.
Burime nga policia thonë për gazetën “Si” se grupi në fjalë u godit pas informacioneve të siguruara në rrugë operacionale nga banorë të zonës, që kishin denoncuar se në ambientet e lokalit shitej kokainë, si dhe shfrytëzoheshin vajza të moshave të ndryshme për prostitucion.
Policia i kaloi materialet hetimore prokurorisë së Elbasanit, ndërkohë që hetimet vazhdojnë për të zbardhur nëse në këtë aktivitet ka persona të tjerë të përfshirë apo jo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
