Komisioni Europian shtyn me një javë publikimin e metodologjisë së re për negociatat e anëtarësimit me vendet kandidate.
Data e re e publikimit sesi do të ndryshojë mënyra e bisedimeve mes Bashkimit Europian dhe vendeve kandidate për t’u anëtarësuar është pesë shkurti.
“Komisioni është drejt përfundimit të propozimit dhe ai do të paraqitet në javët e ardhshme”, deklaroi zëdhënësja e KE-së, Ana Pisonero.
Fillimisht ishte njoftuar data 29 janar, por ajo nuk ishte zyrtare, ashtu siç nuk është zyrtar as afati i fundit i dhënë ngga Komisioni Europian, që nuk përcakton datë të caktuar, por mjaftohet me deklaratën “në javët në vazhdim”.
“Ne duam ta bëjmë procesin e zgjerimit më të besueshëm, që do të thotë se nëse njëra palë përmbush detyrimet e saj dhe pala tjetër është e detyruar që të bëjë pjesën që i takon. Ne duam të kemi një proces që do të jetë i dobishëm dhe i besueshëm për të gjitha palët, si për Ballkanin Perëndimor ashtu edhe për institucionet e BE “, deklaroi zëdhënësja e KE-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
