Komisioneri për Zgjerim në Bashkimin Europian ka deklaruar se Shqipëria dhe Maqedonia e Veriut e meritojnë hapjen e negociatave.
Johanes Hahn është shprehur besimplotë se Komisioni i Europës do të rekomandojë hapjen e negociatave me Shqipërinë dhe Maqedoninë e Veriut.
Ky kapitull nuk është vetëm në interes të vendeve të rajonit, por edhe të vetë unionit, tha Hahn në një intervistë për të përditshmen gjermane ”Handelsblatt” .
Hahn beson se Shqipëria dhe Maqedonia e Veriut e meritojnë hapjen e negociatave, e cila u shty për qershorin e këtij viti
“Marrëveshja historike për zgjidhjen e çështjes së emrit me Greqinë dhe marrëveshjet e miqësisë me Bullgarinë janë sinjale për të gjithë rajonin që rezolutat e mosmarrëveshjeve të gjata janë të mundshme. (Maqedonia Veriore) ka bërë gjithashtu përparim të mirë kur është fjala për reformat e brendshme. Vendi meriton një dritë jeshile për hapjen e negociatave të pranimit sa më shpejt që të jetë e mundur – para ose pas verës”, tha Hahn.
Sa i përket Shqipërisë, Komisioneri Hahn beson se vendi meriton gjithashtu fillimin e negociatave për shkak të reformave të brendshme, veçanërisht reformës në drejtësi, por që gjithashtu duhet të trajtojë problemet e korrupsionit dhe krimit të organizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
