Medikamentet që kanë përmbajtje të molekulës “ranitidinë” si Zantac, janë cilësuar kancerogjene dhe të dëmshme për shëndetin e njeriut. Lajmi fillimisht është bërë i ditur nga Administrata Amerikane e Ilaçeve dhe Ushqimit dhe nga Agjencia Europiane e Barnave, të cila kanë saktësuar se në studime të ndryshme janë gjetur N- Nitrosodimetlamine në barna me lëndë aktive si “ranididina”. Gjithashtu edhe Agjencia Kombëtare e Barnave dhe Pajisjeve Mjekësore në Shqipëri, në faqen e saj zyrtare ka bërë me dije se “NDMA” është një lëndë e klasifikuar prej kohësh si kancerogjene.
Sipas agjencisë, ka pasur një tërheqje vullnetare nga tregu të disa prej firmave prodhuese, ndërkohë që agjencia ka njoftuar profesionist e shëndetit për efektet anësore të kësaj lënde. Ndërkohë që deri para dreke ilacet “Ranital dhe “Rinitidinë” shiteshin lejtësisht në farmacitë e kryeqytetit.
Ditë më parë Agjencia Italiane e Ilaçeve, ka njoftuar ndalimin e një sërë banave që kishin bazë lëndën e rantidinës. Këto ilaçe përdoren kryesisht për të trajtuar ulçerën, refluksin, djegien e stomakut e probleme të tjera. Ilaçet e ndaluara sipas agjencisë janë: Buscopan, Almus, Zantac, Anidil, Zenitva, Hexal, Ulcez, Raniben, Hex, RatioPharm, Mylan dhe Ranidil shurup.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
