.png)
Nga Gazeta Si- Statusi martesor mund të jetë një përcaktues i fuqishëm shoqëror i kancerit. Një studim i ri ka zbuluar se shkalla e sëmundjes është dukshëm më e lartë tek njerëzit që nuk kanë qenë kurrë të martuar.
Njerëzit që janë ose kanë qenë dikur të martuar kanë një rrezik më të ulët për të zhvilluar kancer.
Studimi, i kryer nga studiues në Universitetin e Miamit dhe i botuar në revistën ‘Cancer Research Communications’, zbuloi se njerëzit që nuk u martuan kurrë përjetuan një incidencë dukshëm më të lartë të kancerit.
Burrat që nuk u martuan kurrë kishin një incidencë kanceri prej 68% më të lartë. Ndër gratë, shifra u rrit në 85%.
Studiuesit vunë re se lidhja ishte më e fortë midis atyre të moshës 55 vjeç e lart, duke sugjeruar se ndryshimet që rrjedhin nga statusi martesor mund të grumbullohen gjatë rrjedhës së jetës së njerëzve.
“Këto gjetje sugjerojnë që faktorët socialë, siç është statusi martesor, mund të shërbejnë si shënjues të rëndësishëm të rrezikut të kancerit në nivel popullate”, thotë Paulo Pinheiro, bashkautor i studimit dhe profesor i epidemiologjisë.
A është martesa zgjidhja për të shmangur kancerin?
Hulumtuesit thanë se rezultatet nuk do të thotë që njerëzit duhet të martohen, ose se martesa ka ndonjë mekanizëm të fshehtë parandalues të lindur.
“Kjo do të thotë që, nëse nuk jeni i martuar, duhet t’i kushtoni vëmendje shtesë faktorëve të rrezikut të kancerit, të bëni çdo ekzaminim që mund t’ju nevojitet dhe të qëndroni të informuar për kujdesin shëndetësor”, tha Frank Penedo i Universitetit të Miamit, bashkautor i studimit.
Sipas studiuesve, statusi martesor shpesh trajtohet si një variabël demografike në sfond.
Megjithatë, gjetjet sugjerojnë se ai mund të funksionojë gjithashtu si një faktor ekspozimi social që mund të kapë dimensionet e kancerit që nuk shpjegohen plotësisht nga raca, mosha dhe statusi socioekonomik.
Studimi analizoi të dhëna nga më shumë se 100 milionë njerëz në të gjithë Shtetet e Bashkuara dhe të dhëna për kancerin nga më shumë se 4 milionë raste të diagnostikuara midis viteve 2015 dhe 2022.
Ato përfshinë të gjitha kanceret malinje të diagnostikuara tek të rriturit nga mosha 30 vjeç, afërsisht mosha mesatare në të cilën njerëzit martohen për herë të parë në SHBA.
Të dhënat e statusit martesor u ndanë në dy grupe: Ata që nuk ishin martuar kurrë dhe ata që dikur ishin të martuar, por nuk janë më, duke përfshirë personat e divorcuar dhe të ve.
A vlejnë këto rezultate për të gjitha kanceret?
Në përgjithësi, të rriturit që nuk ishin martuar kurrë kishin shkallë më të lartë të zhvillimit të kancerit, megjithëse lidhja ishte më e fortë për disa lloje kanceri sesa për të tjerët.
Burrat që nuk ishin martuar kurrë kishin pothuajse pesë herë më shumë shkallë të kancerit anal krahasuar me burrat e martuar. Për gratë, mosmartesa ishte e lidhur me pothuajse tre herë më shumë shkallë të kancerit të qafës së mitrës.
Shkalla e kancerit për kancerin e ezofagut, mëlçisë dhe mushkërive ishte afërsisht dyfish për të dy gjinitë tek njerëzit jo të martuar krahasuar me ata që ishin ose janë të martuar.
Si ndikon martesa në shkallën e kancerit?
Autorët vunë në dukje se martesa është shoqëruar prej kohësh me rezultate më të mira shëndetësore, duke përfshirë morbiditet më të ulët, jetëgjatësi më të madhe dhe shëndet më të lartë, sipas autorëve.
Faktorët pozitivë që lidhen me martesën përfshijnë rritjen e mbështetjes sociale, sjellje më të shëndetshme si përdorimi i reduktuar i alkoolit dhe duhanit, modele më të favorshme seksuale dhe stabilitet më të madh ekonomik.
Për disa kancere, siç është ai anal dhe ai cervikal- të dyja të lidhura me infeksionin HPV- ndryshimet mund të pasqyrojnë gjithashtu ndryshime në ekspozim.
Përtej fillimit të kancerit, studimet e mëparshme kanë treguar gjithashtu se pacientët e martuar kanë tendencë të diagnostikohen në faza më të hershme dhe përjetojnë shkallë më të larta mbijetese.
Këto avantazhe shpesh i atribuohen mbështetjes bashkëshortore në promovimin e shqyrtimit, ndihmën me trajtimin dhe përballimin e kujdesit kompleks, përfundoi studimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje