.png)
Nga Gazeta ‘SI’ – Gjatë muajit shtator 2023, në Shqipëri ndodhën 93 aksidente, 5% më shumë se shtatori 2022, por numri i personave të lënduar ishte më i vogël.
Gjatë të njëjtit muaj, u aksidentuan 122 persona (të plagosur dhe të vrarë), nga 134 shtatorin e shkuar.
Aksidentet rrugore, në 95% të rasteve, kanë ndodhur si pasojë e sjelljes së drejtuesit të mjetit dhe të përfshirët janë zakonisht grupmosha e re, 25-34 vjeç. Aksidentet e kësaj gurpmoshe janë rritur me 9%.
Sipas ditëve dhe orareve, numri më i lartë i aksidenteve rrugore ka ndodhur ditën e Shtunë me 20% dhe kryesisht gjatë mëngjesit dhe paradites, në orarin 08:00-12:00, me 23% të totalit.
Në nëntëmujorin e vitit 2023, numërohen 863 aksidente rrugore nga 884 aksidente, të ndodhura në të njëjtën periudhë të një viti më parë. Numri i aksidenteve rrugore është ulur me 2.4 %. Numri i të aksidentuarve është 1.189 persona nga 1.257 persona të aksidentuar në të njëjtën periudhë të një viti më parë. Aksidentet rrugore, në 11.5 % të rasteve kanë ndodhur si pasojë e sjelljes së këmbësorit.
Sipas qyteteve, Tirana, Lezha dhe Durrësin ka pasur numrin më të lartë të aksidenteve gjatë të gjithë vitit me, respektivisht 378, 88 dhe 102.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
