.png)
Në raportin e përvitshëm qe Agjencia Europiane e Mjedisit bën për të kontrolluar cilësinë e ujit për t’u larë, shkruhet se në Shqipëri, 67% e plazheve (80 prej tyre) klasifikohen me cilësi të shkëlqyer.
Agjencia europiane ka kontrolluar 119 pika në vendin tonë gjatë vitit 2022 dhe i klasifikuar në plazhe me cilësi të shkëlqyer, cilësi të mirë, të mjaftueshme dhe cilësi të dobët.
Me cilësi të mirë janë 23 për qind e plazheve, me cilësi të mjaftueshme janë 2 për qind dhe cilësi të dobët 7 për qind e plazheve.
LEXO EDHE:
– Arrestohet administratori i plazhit ku u mbytën babai dhe dy djemtë e tij të mitur
– Për 3000 stacione plazhi, vetëm 1400 vrojtues. Në Vilë-Bashtovë s’kishte asnjë të licensuar
Vërehet se plazhet me cilësi të shkëlqyer kanë pësuar rënie nga 2020, ndërsa duke rënë një kategori më poshtë, duke u klasifikuar si me cilësi të mirë. Ndërsa përqindja e plazheve me cilësi të mjaftueshme dhe të dobët vazhdojnë të jenë po njësoj si një vit më parë.
Ndërkohë nga kontrollet u evidentua se tetë plazhe vijojnë të jenë problematike në Shqipëri, për të cilat agjencia e mjedisit duhet të njoftojë pushuesit që të mos lahen për shkak të baktereve të ndryshme që shkaktojnë sëmundje.
2 prej pikave janë në Durrës, në zonën e Plepave ndërkohë që 3 pika të tjera ndodhen në Vlorë. Dy në Pogradec dhe një liqen i vogël në Çorovodë.
Ndërkohë, në Shqipëri, numri i zonave të ujërave të larjes me cilësi të dobët ka rënë ndjeshëm që nga viti 2015, kur 31 zona të larjes (39.1%) u vlerësuan si të dobëta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
