Edhe ditën e sotme kanë vijuar protestat në Shkodër dhe Korçë, me qytetarët, kryesisht mbështetës të PD që kanë dalë në rrugë duke bllokuar hyrjen e qytetit, pavarësisht reshjeve të dendura të shiut. Edhe pse në numër më të kufizuar në krahasim me ditët e tjera, sërish ata kanë krijuar probleme me trafikun e mjeteve.
Në zonën e Korçës janë ngritur në protestë fermerët e Devollit, të cilët kanë bllokuar aksin nacional Korçë-Kapshticë.
Protesta është zhvilluar pranë fshatit Progër dhe kauza ishte çmimi i karburantit dhe ai i energjisë elektrike.
Në protestë janë bashkuar dhe biznese të vogla dhe është mbajtur për pak kohë i bllokuar edhe aksi kryesor që lidh qytetin e Bilishtit me Korçën.
Në protestën e mbajtur në Devoll, janë solidarizuar edhe shoferët e makinave. Përveç thirrjeve kundër çmimit të karburantit, protestuesit kanë kërkuar edhe largimin e kryeministrit Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
