.png)
Gazeta Si – Kasper Rud dhe Holger Rune janë kualifikuar për në çerekfinale të Roland Garros. Do të kemi një derbi skandinav për një vend në gjysmëfinalen e turneut prestigjioz.
Në tokën e kuqe franceze, Rud mundi 7-6, 7-5, 7-5 kilenin Nikolas Jarri, kurse danezit Rune iu deshën 5 sete për të eliminuar 7-6, 3-6, 6-4, 1-6, 7-6 argjentinasin Francisko Çerundolo.
Kasper Rud kaloi pa probleme në çerekfinale, falë një suksesi në 3 sete ndaj Nikolas Jarri. Ai do të përballet me Holger Rune, i cili vuajti jo pak për të mposhtur Francisko Çerundolo. U desh ‘super tie-break’ (10-7) i setit të 5-të, pas të parit të fituar 7-3.
The @holgerrune2003 rollercoaster reached the quarterfinals!
— Roland-Garros (@rolandgarros) June 5, 2023
Relive the wild five-set ride against Cerundolo 👇#RolandGarros pic.twitter.com/cjOGA2YMV9
Argjentinasi iu përgjigj dy herë avantazhit të numrit 6 në botë, me 6-3 të setit të dytë dhe 6-1 të të katërtit. Danezi do të shkojë në çerekfinale më pak i çlodhur se Rud, sepse iu deshën më shumë se 4 orë për kualifikimin. Më parë Novak Gjokoviç dhe Stefanos Tsitsipas ishin kualifikuar pa vështirësi.
Te femrat ka kaluar më tej Ons Jabeur, kokë serie numër 7, që eliminoi Bernarda Pera. Tuniziania, finalist e Uimbëlldonit, u kualifikua me 2 sete, 6-3 dhe 6-1, pas 1 orë e 3 minutash. Tani do të ndeshet me brazilianen Beatriz Hadad Maia, e cila vuajti më shumë nga sa mendohej për të mundur spanjollen Sorribes Tormo.
Ne lui parlez pas d'âge 🗣️
— Roland-Garros (@rolandgarros) June 5, 2023
3ème quart de finale pour Coco Gauff à Roland-Garros.#RolandGarros
E arriti objektivin edhe Koko Gauf, me një 7-5, 6-2 ndaj Ana Karolina Shmiedlova, numri 100 në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
