Gazeta Si – Ashtu siç ishte paralajmëruar, Ardi Veliu është prezantuar këtë të premte si Drejtori i ri i Agjencisë së Mbikëqyrjes Policore.
Ish-drejtori I Policisë së Shtetit, do të zëvendësojë në këtë post Muhamet Rrumbullakun, një kandidat i mundshëm për të marrë postin e lënë bosh pas shkarkimit të Gledis Nanos si kryepolici i vendit.
Në një njoftim për mediat, Ministria e Brendshme thotë se ish-Drejtori Rrumbullaku drejtoi Agjencinë me rezultate të larta në një proces reformimi, duke u shndërruar në një strukturë më civile në ushtrimin e kontrollit dhe mbikëqyrjen e Policisë së Shtetit, Gardën e Republikës dhe Shërbimin Zjarrfikës.
Së fundmi, Veliu mbante postin si zv.ministër i Infrastrukturës dhe Energjisë, por u lirua nga kjo detyrë për t’u rikthyer sërish në strukturat e policisë.
“Drejtor Veliu emërohet në krye të AMP pas një përvoje të gjatë menaxheriale në strukturat e Policisë së Shtetit, si dhe detyrës si zv.ministër i Infrastrukturës dhe Energjisë. Ai u angazhua për vijimin e punës, në thellimin e reformave të nisura”, thuhet në njoftim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
