Numri i viktimave nga koronavirusi në Greqi ka arritur sot në 26, pasi katër pacientë humbën jetën në 24 orët e fundit.
Deri më tani 892 persona të infektuar, mes tyre edhe një foshnje 7 muajshe, që u konfirmua si e prekur nga koronavirusi ditën e djeshme.
Kreu i Komitetit të Sëmundjeve Infektive të Ministrisë së Shëndetësisë, Sotiris Tsiodras tha se të enjten u konfirmuan 70 raste të reja. Dëri më tani 42 persona mësohet se janë shëruar.
Qeveria e kryeministrit Qirikakos Mistotaqis po mendon të shtojë masat parandaluese, pas përshkallëzimit të situatës në Italia dhe Spanjë.
Sipas Qendrës Europiane për parandalimin e sëmundjes, shkalla e transmetimit të sëmundjes brenda 14 ditëve u rrit 10 herë, duke arritur nga 3.3% në 31.6% në Europë dhe në Mbretërinë e Bashkuar. Megjithatë, Greqia ndodhet ende larg këtij piku.
“Suksesi do të varet nga masat dhe sa do të zgjasin. Në këtë pikë pauza do të ishte katastrofike”, ka thënë Tsiodras.
Ndërkohë foshnja 7 muajshe ka rezultuar pozitive në testin e COVID-19 pasi u dërgua në spitalin e Rodosit nga prindërit, sepse kishte simptoma si ethet dhe kolla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
