Misioni i ekipeve ushtarake holandeze dhe çeke ka përfunduar me shuarjen e thuajse të gjitha vatrave të zjarrit në vend.
Ministri i Mbrojtjes Niko Peleshi, ka publikuar foto nga ceremonia e falënderimit dhe përcjelljes së trupave dhe mjeteve që asistuan në këtë operacion.
Peleshi shprehet se BE ka mundësuar mbështetje të jashtëzakonshme teksa Shqipëria u përball me një situatë kritike zjarresh për shkak të temperaturave të larta në vend.
“Sot u përmbyll operacioni i skuadrës holandeze në “luftën” kundër zjarreve, një situatë e vështirë që përjetoi vendi jonë gjatë muajit të fundit. Bashkimi Evropian na mundësoi nëpërmjet mekanizmave të tij një mbështetje të jashtëzakonshme! U përballëm me një situatë kritike zjarresh për shkak të temperaturave shumë të larta. Sot mund të themi se këtë sfidë e përmbyllëm me sukses, pavarësisht se gatishmëria e forcave të mbrojtjes civile vazhdon të jetë e lartë. Faleminderit Bashkimit Evropian, Mbretërisë së Holandës dhe Republikës Çeke për ndihmën në helikopterë dhe trupa!”, – shkruan Peleshi.
Many thanks to 🇳🇱and🇨🇿 🚁men and women! #TeamEurope🇪🇺 contributed to save lives, livelihood and protect 🇦🇱#environment.
— Luigi Soreca🇪🇺 (@LSorecaEU) August 27, 2021
August has been a month of #solidarity, 🇪🇺and 🇳🇱🇨🇿 to 🇦🇱, but also Albania to Afghan refugees in need. For🇪🇺and🇦🇱, solidarity is not an empty word, it is real. https://t.co/IfiKh0rjW8
Ambasadori i Bashkimit Evropian në Shqipëri, Luigi Soreca i pranishëm në aktivitet falënderoi ekipet holandeze dhe çeke për ndihmën dhe kontributin mjaft pozitiv që kanë dhënë për të mbrojtur mjedisin e shpëtuar jetë.
Po ashtu ai falënderoi shtetin shqiptar për solidaritetin që tregoi me pritjen e 120 trupave të parë afganë që mbërriten në Shqipëri.
Helikopterët holandezë dhe ai çek, që prej datës 6 gusht iu bashkuan përpjekjeve të Forcave të Armatosura dhe autoriteteve të tjera lokale për përballimin e situatës së krijuar nga zjarret.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
