.png)
Stilisti Alber Elbaz, i cili ka punuar në disa prej shtëpive më të njohura në Francë ka ndërruar jetë për shkak të Covid-19 në Paris.
Nga viti 2001 deri në vitin 2015, Elbaz ishte drejtor artistik në Lanvin. Kohët e fundit ai kishte nxjerrë markën e tij, AZ Factory.
Lindur në Marok dhe rritur në Izrael, Elbaz shkoi në Nju Jork për të filluar karrierën e tij, ku punoi për stilistin Geoffrey Beene.
Në vitin 1996, ai u transferua në Paris dhe u zgjodh nga Yves St Laurent për të marrë përgjegjësinë për markën Rive Gauche, por u shkarkua pasi kompania u mor nga Gucci në 1999.
Revista Vogue tha që Elbaz “gjithmonë ishte i lumtur në punën e tij dhe i bënte të gjithë përreth të ishin të lumtur”.
Disa nga personazhet e njohur që veshën fustanët e tij ishin Natalie Portman, Meryl Streep etj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
