.png)
Ndahet nga jeta Martin Amis, një nga shkrimtarët më të rëndësishëm britanikë dhe më të vlerësuar në botë: gruaja e tij Isabel Fonseca teksa ka bërë me dije lajmin e trishtë, ka shpjeguar për New York Times se Amis ishte i sëmurë me kancer të ezofagut.
Amis ishte 73 vjeç dhe lindi në Oksford. Babai i tij ka qenë po ashtu një intelektual dhe shkrimtar i rëndësishëm anglez, Kingsley Amis (me të ai kishte marrëdhënie të trazuara kryesisht për shkak të dallimeve politike, shpesh të bëra publike).
Romanet e tij “Money” dhe “London Fields” e bënë atë një nga figurat më të njohura letrare të brezit të tij.
Amis ishte pjesë e grupit të famshëm të romancierëve, duke përfshirë Salman Rushdie, Ian McEwan dhe Julian Barnes, veprat e të cilëve përcaktuan skenën letrare britanike të viteve 1980.
Romancieri dhe skenaristi botoi 14 novela, një kujtim, dy koleksione tregimesh dhe tetë koleksione me vepra jo-fiction gjatë jetës së tij.
Ai vdiq nga kanceri i ezofagut në banesën e tij në Florida, SHBA.
I lindur në Oksford në vitin 1949, ai ishte djali i shkrimtarit të ndjerë fitues të çmimit Booker, Sir Kingsley Amis, i cili gjithashtu vdiq në moshën 73-vjeçare, në 1995.
Ai u arsimua në shkollat në Mbretërinë e Bashkuar, Spanjë dhe SHBA përpara se të diplomohej në Kolegjin Exeter në Oksford, ku studioi anglisht.
Në vitin 1973, ai botoi romanin e tij të parë, “The Rachel Papers”, ndërsa punonte si asistent redaktues në “Times Literary Supplement”.
Në punën e tij ai eksploroi ngjarjet aktuale dhe botën bashkëkohore, si dhe periudhat kyçe të historisë, veçanërisht Holokaustin, për të cilin ai shkroi në romane si “Shigjeta e kohës” dhe “Zona e interesit”.
“Shigjeta e kohës” ishte në listën veprave për çmimin Booker, ndërsa romani i tij “Qeni i verdhë” i vitit 2003 ishte gjithashtu në listën e gjatë.
“Booker” e përshkroi atë si një nga romancierët më të vlerësuar dhe më të diskutuar të 50 viteve të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
