.png)
Nga Gazeta “SI”- Aktori amerikan George Wendt, i njohur për rolin e Norm Peterson në serialin legjendar “Cheers”, është ndarë nga jeta në moshën 76-vjeçare. Familja njoftoi se ai ndërroi jetë në gjumë, në mënyrë paqësore, në shtëpinë e tij.
Wendt u bë një nga figurat më të dashura të televizionit amerikan përmes rolit të klientit të përhershëm në barin e Cheers, serial i transmetuar nga viti 1982 deri më 1993. Ai u nominua gjashtë herë për çmimin Emmy dhe shfaqej në të gjitha 275 episodet.
Homazhe për të kanë bërë kolegët e tij, mes tyre Ted Danson, Kelsey Grammer, Rhea Perlman dhe John Ratzenberger. Danson u shpreh se ishte “i shkatërruar” nga lajmi, ndërsa Perlman e cilësoi si “njeriun më të ëmbël dhe më të mirë që kam njohur”. Edhe aktorja Melissa Joan Hart tha se “parajsa sapo u bë pak më funny ”.
George Wendt ishte i martuar me aktoren Bernadette Birkett dhe kishte tre fëmijë. Ai ishte gjithashtu xhaxhai i aktorit Jason Sudeikis (Ted Lasso). Pub-i që frymëzoi serialin Cheers e kujtoi me fjalët: “Do të kesh gjithmonë një vend në barin tonë.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
