.png)
Është ndarë nga jeta aktori, regjisori dhe dramaturgu i njohur shqiptar, Enver Petrovci, një nga figurat më të rëndësishme të skenës dhe ekranit shqiptar.
I lindur më 28 shkurt 1954 në Prishtinë, ai hodhi hapat e parë në aktrim në Shkollën e Lartë Pedagogjike të qytetit të tij, ndërsa studimet e larta për art dramatik i përfundoi në Fakultetin e Arteve Dramatike në Beograd.
Karriera e tij u shtri në teatër, film dhe televizion, ku spikati për fuqinë interpretuese dhe aftësinë për të mishëruar role të ndryshme. Përveç aktrimit, Petrovci u dallua edhe si regjisor, dramaturg dhe autor veprash letrare, duke dhënë një kontribut të çmuar në pasurimin e kulturës shqipe.
Pas viteve ’90, ai u rikthye në trojet shqiptare, ku veproi si aktor, regjisor dhe pedagog. Ai ishte themelues i disa institucioneve kulturore në Kosovë, ndër to “Akademia e Arteve në Prishtinë” dhe “Teatri i Babës”, duke formuar breza të rinj artistësh.
Me punën dhe përkushtimin e tij të pashtershëm ndaj artit, Enver Petrovci u bë një nga ikonat më të respektuara të kulturës shqiptare, duke lënë gjurmë të pashlyeshme në zhvillimin e skenës dhe ekranit shqiptar për dekada me radhë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
