Pasi paralajmëruan se do të futeshin në grevë urie, naftëtarët e Ballshit duket se e kanë konkretizuar këtë hap.
Mësohet se i pari që është futur në grevën e urisë ka qenë kreu i Sindikatës së naftëtarëve, Sokol Dautaj, duke u pasuar më pas nga 9 punonjës të tjerë.
Ndërkohë edhe se edhe punonjëset femra të kësaj rafinerie kanë shprehur gatishmërinë e tyre për t’ju bashkuar grevës. Sipas tij, greva e urisë do të vijojë deri në zgjidhjen e kërkesave të tyre.
“Greva e urisë do vijojë deri në zgjidhje. Kjo grevë është ekonomike. Të vijnë të plotësojnë kërkesat tona, në të kundërt le ta mbyllin rafinerinë. Kërkojmë mbrojtje nga deputetet e qarkut. Vetëm të vdekur dalim që këtu. Fëmijët tanë duan bukë”, pohuan ata.
Ndërkohë, jashtë hyrjes së rafinerisë vijon edhe protesta e naftëtarëve.
Naftëtarët e Ballshit protestuan më 17 shtator përpara Ministrisë së Energjetikës dhe Infrastrukturës në Tiranë ku kërkuan nga qeveria të ndërhyjë te kompania menaxhuese e rafinerisë, e cila prej 10 muajsh nuk u ka dhënë pagat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
