Çmimi i naftës arrin nivelin më të lartë të regjistruar në vend, në 265 lekë për litër. Ai ka kapërcyer edhe nivelet e fillimit të marsit, ku nafta tregtohej në 260 lekë.
Nga mbledhja e fundit, çmimi i shitjes me pakicë të naftës do të jetë 265 lekë për litër, nga 258 lekë që ishte nga data 8 qershor, ndërsa çmimi i shitjes me shumicë 253 lekë/litër, nga 246 lekë nga vendimi i mëparshëm.
Benzina do të tregtohet për 241 lekë litri nga 243 që ishte më parë. Çmimi i shitjes me shumicë të këtij nënprodukti shkon në 229 lekë litri nga 231 lekë.
Çmimi i shitjes me pakicë i nënproduktit gaz, do të jetë 86 lekë/litri me pakicë dhe i shitjes me shumicë 74 lekë/litër për automjetet.
Çmimet e caktuara nga Bordi do të hynë në fuqi sot datë 17 Qershor në orën 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
