.png)
E mbyllur nga një barrierë 12 km, me anën lindore të kthyer nga deti Mesdhe dhe pjesa tjetër e qytetit në territorin maroken, Melilla është një qytezë autonome spanjolle.
Kufiri tokësor midis Melilla-s dhe zonës marokene, është i izoluar përmes një muri të lartë 7 metra dhe ruhet, në mënyrë që të përmbajë hyrjen e emigrantëve në enklavë, e cila, si një territor spanjoll, garanton hyrjen e mëtejshme të lirë në zonën evropiane të kombeve, me aderimin në traktatin e Shengenit.
Një territor spanjoll në tokën marokene – 17 shtator 1497 është data në të cilën spanjollët mbërritën në Melilla për herë të parë, duke pushtuar qytetin. Që nga ajo kohë, Maroku ka provuar vazhdimisht të aneksojë Melilla-n.
Këtu bashkëjetojnë komuniteti spanjoll, kryesisht katolik, ose të quajtur ndryshe “njerëz të lirë”, me një shumicë myslimane dhe një komunitet hebre të ardhur nga hebrenjtë e Afrikës së Veriut.
Por qyteti është i njohur mbi të gjitha për të qenë, së bashku me Ceuta-n, një portë për në Evropë. Kufiri kryesor tokësor, është Beni Ensar (në jug-lindje të qytetit), ku kontrollohen dokumentet e njerëzve që drejtohen për në Evropë dhe në gadishullin spanjoll.
Në kufirin e Melilla-s, për vite me radhë ka pasur tregti midis Spanjës dhe Marokut pa detyrime (vetëm nëse mallrat transportohen me dorë), nga të cilat gratë marokene janë shitëset kryesore. Në fakt, 25,000 deri 30,000 punëtorë marokenë kalojnë çdo ditë përmes kufirit dhe hyjnë në qytet për të punuar.
Lugina, muri midis Afrikës dhe Evropës – Pengesa e dyfishtë që rrethon qytezën, është e pajisur me ndriçim me intensitet të lartë, një sistem kamera mbikëqyrjeje me qark të mbyllur dhe mjete të shikimit të natës. Në shtator 2005, pati një përpjekje masive për migrim në Evropë, e cila rezultoi në vdekjen e shumë migrantëve, që u qëlluan me armë zjarri nga policia marokene.
Që atëherë, përpjekjet pak a shumë të suksesshme janë përsëritur në grupe me shumë episode edhe fatale të dhunës nga ana e migrantëve dhe kundër tyre. Objektivi kryesor i barrierës, është të parandalojë hyrjen e paligjshme të migrantëve sub-saharianë në Evropë.
Dëshmitarët denoncojnë – Shumë prej migrantëve që përpiqen të “kapërcejnë” De la Valla-n, jetojnë në pyllin aty pranë të Gurugu-s, në Marok, duke pritur të jenë në gjendje të ngjiten mbi barrierë, por sipas shoqatës marokene “Amdh” (“Association marocaine des droits humains”), Maroku rrit periodikisht Gurugu-në, duke përdorur forcat ndihmëse marokene, një organ paraushtarak nën forcën e Ministrisë së Brendshme, duke shkelur sistematikisht të drejtat e njeriut.
Kush qëndron pas sulmeve kufitare – Gazeta spanjolle “El Pais”, e cila kishte qasje në një raport konfidencial nga Guardia Civil, zbuloi se pas sulmeve të grupit në barriera, ekziston fytyra e errët e mafieve që kontrollojnë trafikimin e personave midis Marokut dhe Spanjës. Sipas policisë spanjolle, grupet kriminale paguajnë 200 dirhemë marokene (rreth 18 euro) për person për të provuar sulmin.
Migrimi vazhdon të rritet – Në orën 9 të mëngjesit më 21 tetor 2018, 300 migrantë sulmuan kufirin midis Marokut dhe Spanjës: pati një të vdekur nga arresti kardiak dhe plagosje u regjistruan në mesin e policisë. Ky është sulmi i dytë në grup i vitit 2018 që ndodhi në Melilla.
I pari u krye më 6 janar 2018, kur më shumë se 300 migrantë, u përpoqën të hynin në territorin spanjoll dhe rreth 200 përfunduan në Spanjë.
19 janar 2021: në mëngjes rreth 150 migrantë të paligjshëm u përpoqën të hynin në Melilla dhe pavarësisht ndërhyrjes së forcave të policisë të Spanjës dhe Marokut, 87 migrantë arritën të kapërcenin barrierën dhe hynë në territorin spanjoll.
Më 21 maj 2021, për natën e katërt radhazi, ushtria ndërhyri në Melilla për të bllokuar hyrjen e paligjshme të dhjetëra njerëzve.
Më 15 qershor 2021, konfrontimi midis rreth 150 migrantëve dhe forcave të sigurisë ishte i dhunshëm: i pari do të ishte armatosur me shkopinj dhe me hedhje gurësh në drejtim të policisë, e cila reagoi menjëherë, duke lënë rreth njëzet të plagosur nga të dy palët.
Të hënën, 12 korrik 2021, 119 migrantë arritën të hynin në qytetin autonom, ndërsa pjesa tjetër e njerëzve që u përpoqën të hynin në enklavë, rreth njëqind të tjerë, u ndaluan nga rojet në anën marokene të kufirit.
Në fund, më 22 korrik 2021, pak para orës 7 të mëngjesit, më shumë se 230 migrantë arritën të hynin në territorin spanjoll, duke kaluar pengesat policore.
Bëhet fjalë për një nga mësymjet më në masë ndaj barrierave kufitare, që ka përfshirë më shumë njerëz gjatë viteve të fundit.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
