Nga Gazeta 'Si'- "Qëndrimi i Greqisë për Kosovën mbetet i pandryshuar”. Kështu është shprehur kryeministri grek, Kyriakos Mitsotakis në një konferencë të përbashkët për shtyp në Beograd, me presidentin serb, Aleksandër Vuçiç.
Mitsotakis deklaroi se ndërmjetësimi dhe dialogu evropian janë mënyra e vetme për normalizimin e marrëdhënieve mes dy palëve.
“Dhe kjo do të ndihmonte ndjeshëm stabilitetin në rajon, që është synimi i të gjithë neve. Ne po i ndjekim me shqetësim ngjarjet e muajve të fundit”, theksoi Mitsotakis.
Ai tha gjithashtu se me përshpejtimin e reformave, Serbia do të afrohet më shumë me Bashkimin Evropian dhe se ai beson se mund të bëhet përparim i rëndësishëm në vitin 2024.
“I thashë Mitsotakis pa mëdyshje se Serbia është e vendosur të vazhdojë dhe përshpejtojë rrugën e saj evropiane, se ne i jemi mirënjohës Greqisë për atë mbështetje dhe se nuk është thjesht një fjali formale që politikanët e shqiptojnë por se është e një rëndësie thelbësore për vendin tonë”, deklaroi Vuçiç.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.