.png)
Nga Gazeta Si- Vijon të jetë mister zhdukja në Shqipëri e alpinistit australian Cameron Twiss i cili është parë për herë të fundit më 13 tetor pasi u nis në një shteg 17 km midis Valbonës dhe Thethit.
Sipas Daily Mail, ai dyshohet se mund të jetë ngrënë nga një ari.
28-vjeçari nga Australia e Jugut po udhëtonte vetëm pa një udhërrëfyes pasi sipas miqve të tij, ai ishte shumë i zoti me shtigjet dhe drejtimet.
Policia dhe vullnetarët e Shërbimit të Kërkimit dhe Shpëtimit Malor të Shqipërisë dhe Kosovës kaluan dy javë duke kërkuar në këmbë, me helikopterë dhe me drone për australianin e zhdukur.
Të shtunën, një vullnetar i Shërbimit Shqiptar të Kërkimit dhe Shpëtimit tha se Twiss mund të jetë sulmuar nga një ari i murrmë.
Sulme të tilla janë jashtëzakonisht të rralla, pasi janë 200 grabitqarë ende në natyrë, por disa nga kafshët dihet se janë në afërsi të shtegut.
Udhërrëfyesi turistik Arben Kola i tha Adelaide Advertiser se fillimisht mendoi se Twiss mund të ishte çorientuar në një udhëkryq të ndërlikuar në shteg.
Megjithatë, ekipet e kërkim- shpëtimit kanë përcaktuar se Twiss kishte ndjekur rrugën e duhur përpara se të zhdukej.
“Kjo vetëm shton misterin,” thotë Kola.
Pasi u ngrit alarmi, autoritetet zbuluan sendet dhe pasaportën e Twiss në hotelin e tij në qytetin e Shkodrës.
Purnima Flanagan, një mike e Twiss, ka ndarë mesazhet e saj të fundit me të zhdukurin.
Në mesazhin e fundit të dërguar, Twiss tha se po pinte vodka me një ‘shqiptar të rastësishëm’.
“Ai ishte udhëtari i përsosur dhe gjithmonë bënte miq kudo që shkonte”, tha ajo.
Flanagan tha se Twiss ishte nisur në shtegun e Valbonës me një grup turistësh nga qyteti, por një rrugë të shkurtër vendosi ta bënte vetëm.
Vetëm pasi mesazhet e saj mbetën pa përgjigje, mësoi se ai ishte zhdukur.
“Unë thjesht nuk e kuptoj se si askush nuk mund të kishte parë apo dëgjuar asgjë. Besoj se ai kishte bërë miq në atë qytet, ai ishte një alpinist me përvojë dhe ishte i mirë me drejtimin”, tha ajo.
Përpjekjet zyrtare të kërkimit u ndërprenë më 3 nëntor.
Në qytetin e Thethit, alpinistët holandezë me përvojë Gido dhe Stella i thanë The Advertiser se kishin parë fletushka të personave të zhdukur si për Twiss ashtu edhe për udhëtarin lituanez, ata u shqetësuan sepse menduar se është diçka përtej zhdukjes.
“Në fillim po mendoja, “Mos është rrëmbyer, ose diçka e tillë”, tha Stella.
“Unë mendoj se është gjithmonë e rrezikshme në male, veçanërisht kur je lart … një hap mund të jetë fatal”, tha Gido.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
