Ministrja e Mbrojtjes, Olta Xhaçka, iu bën thirrje maturantëve të shfrytëzojnë ditën e fundit të aplikimeve dhe të zgjedhin Akademinë e Forcave të Armatosura për të studiuar në Shkenca Ushtarake.
Ministrja Xhaçka merr shkas nga përfundimi i kursit 1-vjeçar të oficerit të ri të 30 vajzave e djemve dhe shkruan se atë që ofron Akademia e FA për maturantët s’e ofron askush tjetër.
“Ndërkohë që 30 vajza dhe djem përfunduan kursin 1-vjeçar të oficerit të ri në Forcat e Armatosura, unë u bëj thirrje të gjithë maturantëve të shfrytëzojnë ditën e fundit të aplikimeve në universitete për të zgjedhur Akademinë e Forcave të Armatosura.
AFA ofron 60 kuota studimi për programin bachelor në Shkenca Ushtarake për ciklin akademik 2020-2023.
Atë që ofron Akademia e FA për maturantët s’e ofron askush tjetër:
Akomodim dhe ushqim falas për të gjithë periudhën e studimit
Tarifë studimi 0 lekë në vit
Pagesë mujore ndihmëse për të gjithë periudhën e studimit
Punësim i sigurt pas përfundimit të studimeve”, shkruan ministrja Xhaçka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
