.png)
Nga Gazeta 'SI' - E gjithë masa e produktit të Botox-it i përdorur në Shqipëri ka hyrë ilegalisht, pasi ligjërisht nuk ka asnjë operator të certifikuar për importimin, tregtimin dhe përdorimin e saj,
Në një komunikim zyrtar për Gazetasi.al Agjencia Kombëtare e Barnave deklaron se nuk ka pasur asnjë kërkesë për përdorimin e këtij produkti dhe rrjedhimisht nuk është lëshuar asnjë leje apo pullë.
“Botulinum Toxin nuk ka bar të Autorizuar për Tregtim në Republikën e Shqipërisë pasi nuk ka patur kërkesa për regjistrimin e tij nga ana e Mbajtësve të Autorizimit për Tregtim. Për rrjedhojë, për këtë bar, Agjencia nuk ka lëshuar leje importi/ zhdoganimi/ leje përdorimi apo pulla kontrolli për asnjë subjekt farmaceutik”, shkruan në deklaratën për Gazetasi.al, Agjencia.
Sipas burimeve nga tregu farmaceutik për Gazetasi.al, ngërç për marrjen e lejes së përdorimit apo tregtimit është mungesa e një kontrate me një nga prodhuesit e huaj të lëndës së Botox. Si rrjedhojë kërkesa për një leje të përdorimit të kësaj lënde nuk mund të pranohet.
Operacioni i pak ditëve më parë ku Policia zbuloi sasi të kontrabanduar Botox-i rihapi një debat publik për cilësinë dhe sigurinë e aplikimit të ndërhyrjeve estetike. Disa nga administratorët e klinikave, u arrestuan, si furnitorë dhe kontrabandues të Botox, ndërsa jeku i njohur Skerdi Faria u shpall në kërkim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
