.png)
Nga Gazeta ‘SI’ – Agjencia Kombëtare e Informacionit, AKSHI, rezulton si institucioni më problematik kur bëhet fjalë për tenderat.
Sipas shifrave nga Komisioni i Prokurimit Publik për vitin 2025, 43 prej 94 tenderave të zhvilluara nga ky autoritet janë ankimuar. Në rreth 70% të rasteve, rezulton se AKSHI ka operuar në shkelje dhe KPP u ka dhënë të drejtë kompanive ankimuese.
Lista vazhdon me QSUT-në, Postën Shqipëtare dhe bashkinë Tiranë, Kamzë dhe Durrës.
Në total gjatë 2025-s, janë regjistruar 1197 ankesa për një vlerë totale prej 76 mld lekësh, nga 361 operatorë ekonomikë. KPP thotë se ankesat nga 2024-a janë shtuar. Nga 361 operatorë që u ankuan në 2025, 350 ishin biznese të mëdha dhe vetëm 10 të vegjël.
Sipas raportit, numri më i madh i ankesave lidhet më së shumti me blerjet e mallrave, 483 ankesa.
Shifrat e Komisionit kanë rikthyer dhe njëherë në vëmendje dosjen famëkeqe të Ergys Agasit, që i ka kushtuar ish-drejtorësh së AKSHI-t, lirinë. Verën e 2025-s, SPAK vlerësoi se Mirlinda Karçanaj, biznesmeni Ermal Beqiri dhe Agasi ishin një “strukturë e organizuar kriminale”, që kishin abuzuar dhe përfituar nga tenderimi publik. Rasti më flagrant ishte ai i biznesmenit Gerond Meçe, i cili u rrëmbye dhe u shantazhua për të hequr dorë nga tenderat e AKSHI-t.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje