Mbi qytetin e Kalambakës, në skajin veriperëndimor të Thesalisë, mbi disa formacione gjigante shkëmbore, të ciilat arrijnë deri në 400 metra llartësi, shtrihet një qytet i rrallë qiellor.
Ai qëndron i ekuilibruar nëpër 24 shtylla shkëmbore, të dukshme përmes reve.
Gjeologët dhe historianët e shumtë janë përpjekur të kuptojnë se si u krijuan piedestalet e gurit gjigant rreth 60 milionë vjet më parë, por asnjë teori nuk është vërtetuar plotësisht.
![](http://online1.gazetasi.al/wp-content/uploads/2018/05/meteora_featured_3-e1483036801996.jpg)
Sot, ky qytet grek është i mbrojtur i UNESCO-s dhe mban emrin Meteora, që do të thotë "pezull në ajër".
Thuhet se njerëzit e parë erdhën në Meteora në shekullin e 9-të. Në orvatje për të shpëtuar nga jeta e përditshme, ata u ngjitën nëpër shkëmbinj me duart dhe u vendosën në shpella të vogla dhe të çara, me hyrje të veçanta.
![](http://online1.gazetasi.al/wp-content/uploads/2018/05/170220105034-170208175707-11-suspended-in-the-air-alesha-bradford-super-tease.jpg)
Për qindra vjet mënyra e vetme për të marrë diçka nga poshtë ishte me rrjeta ose shporta të lidhura me litar. Me kalimin e kohës, banorët e shpellës u kthyen në një komunitet të vogël dhe filluan të ndërtonin një sërë manastiresh, të cilat deri në shekullin e 14-të shërbyen si strehë nga pushtuesit turq.
Udhëtimi për në Meteora (rreth 4-5 orë larg nga Athina) është plot me rrugë të pjerrta.
![](http://online1.gazetasi.al/wp-content/uploads/2018/05/h-1-meteora-tours.jpg)
Ndërkohë që të jeni duke qëndruar në majë të shkëmbinjve, duke parë formën e tyre madhështore, ka shumë të ngjarë të ndiheni të vegjël dhe të parëndësishëm në krahasim me natyrën.
Manastiri i Meteorit të Madh, i themeluar në shekullin e 14-të nga Shën Athanasi, është më i madhi dhe më i vjetri nga gjashtë manastiret e tjerë, ku mund të takoni të gjithë ish-murgjit e manastirit, eshtrat e të cilëve janë të ruajtura në rafte.
Krahasuar me të tjerët, Manastiri i Rousanout është më i vogli. Ai u themelua rreth vitit 1545, por u dëmtua nga gjermanët gjatë Luftës së Dytë Botërore. Që nga viti 1988 ai banohet nga murgeshat.
Por sapo të mbërrini në qytet, është e lehtë të kuptoni se përse banorët parë ishin aq të vendosur për të arritur majat e Meteorës pse dhe përse murgjit dhe murgeshat që banojnë aty thonë se nuk ëndërrojnë të jetojnë kudo tjetër.
![](http://online1.gazetasi.al/wp-content/uploads/2018/05/2-day-tour-to-arachova-delphi-meteora.jpg)
"Ky është një vend ku kanë jetuar shumë shenjtorë dhe unë kam qenë gjithmonë e dashuruar me zonën- shprehet motra Charitini Karanasio- Gjithnjë që jam duke u ngjitur këtu mendoj se lutjet e mia do të arrijnë shumë më shpejt tek Perënditë ".
![](http://online1.gazetasi.al/wp-content/uploads/2018/05/12758712-greece-the-monastery-complex-of-meteora-holy-monastery-of-great-meteoron-the-holy-monastery-of-the-t.jpg)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.