Presidenti Ilir Meta ka takuar një prej aktorëve më të famshëm të të gjitha kohërave, Arnold Schwarzenegger.
Lajmin e ka bërë publik vetë kreu i shtetit përmes llogarisë së tij në rrjetin social “Facebook” . Krahas fotos me të, Meta shkruan se së shpejti Schëarzenegger mund të vijë në Shqipëri.
“Kënaqësi të takoja në Katovicë, Arnold Schwarzenegger, mjaft i angazhuar për të ndërgjegjësuar njerëzimin për bashkimin e përpjekjeve për parandalimin e ngrohjes globale para se të jetë vonë. I bindur se së afërmi do ta kemi në Shqipëri”, shkruan Meta në Facebook.
Meta po merr pjesë në Samitin e Klimës së OKB-së “COP24” të Organizatës së Kombeve të Bashkuara, që po zhvillohet në Katovicë të Polonisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
