Trafikantët shqiptarë po u ofrojnë emigrantëve “paketa” gjithëpërfshirëse në Britani përmes reklamave të TikTok, duke përfshirë akomodimin dhe punësimin pas mbërritjes.
Marrëveshjet, duke filluar nga 2,500 paund, u premtojnë emigrantëve strehim dhe punë me para në dorë, me pagesë që kërkohet vetëm pasi të arrijnë në Dover.
Kjo shënon herën e parë që trafikantët kanë tregtuar publikisht paketa të tilla gjithëpërfshirëse për emigrantët e mundshëm.
Media britanike, GBN shkruan se reklamat përdorin teknika marketingu profesionale të ngjashme me reklamat televizive, duke synuar shqiptarët që kërkojnë më shumë mundësi pune fitimprurëse.
“Kontrabandistët po ofrojnë “njerëz të specializuar” për të mbledhur emigrantët dhe për të rregulluar strehim privat me qira dhe punësim në tregun e zi”, shkruan media birtanike.
Një llogari e TikTok e quajtur “Udhëtim në Londër” shfaq flamujt shqiptarë dhe të Mbretërisë së Bashkuar, duke reklamuar: “Ne ofrojmë udhëtime nga Shqipëria në Angli”.
Reklamat premtonin “udhëtime të sigurta” dhe “çmime konkurruese”, duke theksuar se me këto merren njerëz të specializuar.
Një postim, i parë mbi 1,800 herë, tregonte një trafikant që pretendonte: “Unë jam në Dover duke pritur që klientët e mi të mbërrijnë me një varkë dhe për pagesën.”
Një tjetër reklamë përmbante foto të varkave, duke premtuar “kalim të sigurt 100 për qind” për 2500 paund për person, me “pagesë në sterlina pas mbërritjes në Britani”.
Në një shembull, kontrabandistët i ofruan një çifti një paketë prej 12,000 paund duke përfshirë fluturimet për në Britani, një shtëpi 1,000 paund në muaj në Londër dhe punë.
Kontrabandistët u dërguan klientëve të mundshëm fotografi të stilit të agjentëve të pasurive të patundshme të pronave në dispozicion.
Ata i nxitën emigrantët të përfitonin nga periudha e Krishtlindjes, duke i thënë një çifti: “Mund ta bëni këtë gjatë Krishtlindjeve. Është kohë e çrregullt dhe ka rrëmujë në aeroporte.”
Marrëveshja përfshinte gjetjen e pasaportave që përputheshin me paraqitjet e emigrantëve, me kontrabandistët që premtonin një “garanci 99 për qind” për opsionin e fluturimit.
Çiftit iu dhanë zgjedhje midis udhëtimit me varkë, avion ose kamion.
TikTok ka thënë se ka hequr në mënyrë proaktive postimet reklamuese dhe i drejton përdoruesit në faqen e internetit Stop the Traffik për informacion rreth rreziqeve të trafikimit.
Një zëdhënës i Home Office tha: “Këto banda të neveritshme të kontrabandës po shfrytëzojnë njerëz të cenueshëm duke shpërndarë gënjeshtra në mediat sociale dhe duke i vendosur ata në kushte të tmerrshme”.
Home Office po punon me Agjencinë Kombëtare të Krimit dhe kompanitë e mediave sociale për të hequr me shpejtësi reklamat në internet që promovojnë kalimet e paligjshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
