.png)
Nga Gazeta ‘SI’ – Përdoruesit e telefonisë në Shqipëri u reduktuan në tremujorin e fundit të vitit 2024, raporton AKEP, me rënie 11.2% nga tremujori paraardhës. Në total, numërohen 2.5 mln përdorues dhe 3.39 mln larta SIM.
Numri i përdoruesve të internetit ka rënë në 2.1 mln, raporton AKEP, ose 12% më pak se tremujori paraardhës. Por konsumi është rritur në tre muajt e fundit të vitit, shqiptarët konsumuan 56 mln gigabyte internet, ose 8.94 gb për person. Konsumi është rritur me 4.1% nga tremujori paraardhës.
Në kontrast, është rritur me 1.2% konsumi i minutave, pa internet dhe vetëm tremujorin e fundit janë konsumuar 1.2 mld minuta.
Numri i mesazheve SMS të dërguara nga pajtimtarët e rrjeteve celulare në T4 2024 ishte rreth 97 milion që përbën një rritje me 2.4% krahasuar me T3 2024 dhe një rënie me 2.6% me T4 2023.
Numri i pajtimtarëve të linjave të telefonisë fikse në fund të tremujorit të katërt 2024 është raportuar rreth 165 mijë, me një rënie me 1.1% krahasuar me T3. Numri i pajtimtarëve më akses Broadband në internet nga rrjete fikse në T4 2024 arriti në rreth 687 mijë, që përbën një rritje me 3.6% në krahasim me tremujorin e mëparshëm.
One Albania vijon të dominojë tregun me më shumë se 1.7 mln abonentë për shërbimet celulare, por me rënie 15.5% në raport vjetor. Vodafone raporton më shumë se 1.6 mln abonentë me rënie vjetore 8%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
