.png)
Gazeta Si - Sëmundjet e rënda nga të cilat vuan “shefi”, u zbuluan duke përgjuar disa anëtarë të familjes së tij ende të lirë.
Pikërisht, duke dëgjuar frazat e pëshpëritura të motrave të bosit të mafies nga Castelvetrano, Matteo Messina Denaro, tani pas hekurave, hetuesit bashkuan copat e “puzzle”-it që i çoi në kapjen e Kumbarit.
Familjarët e përgjuar folën për një kancer të mëlçisë, kimioterapi dhe dy operacione: njëri për kancerin, tjetri për sëmundjen e Crohn (gastrointenstinale).
Një kontribut që nisi hetimin nga Prokuroria e Palermos, e cila i dha fund mosveprimit tridhjetë vjeçar të Matteo Messina Denaro.
Falë qendrës së Ministrisë së Shëndetësisë, e cila mbledh të dhëna nga pacientët me kancer, hetuesit kanë hartuar një listë të pacientëve që për shkak të patologjive, gjinisë, moshës dhe origjinës ishin të pajtueshme me kumbarin e kërkuar.
Mes emrave, njëri i bëri magjistratët të hidheshin në dyshime: Andrea Bonafede, nga Campobello di Mazara, në zonën e Trapanit, nipi i Angelos, një ndihmës i vjetër i shefit.
Operuar në klinikën “Maddalena” në Palermo një vit më parë. Veç se, hetuesit zbuluan se në ditën e ndërhyrjes së treguar nga arkivat e ministrisë, Bonafede ka qenë i qetë në shtëpinë e tij.
Këtu vjen kthesa: Bonafede mund të ishte emri i përdorur nga Messina Denaro, i cili për një vit shkonte lart e zbriste nga streha e tij në “La Maddalena” për kimioterapi.
Pastaj lajmi i të premtes: Bonafede kishte një vizitë dhe një seancë të planifikuar. Operacioni nis menjëherë.
Pacienti i shoqëruar nga një person (Giovanni Luppino, një tregtar ulliri në Campobello di Mazara), mbërriti në klinikë mëngjesin e sotëm.
Dhjetëra agjentë e prisnin në “La Maddalena” midis pacientëve të tmerruar. Messina Denaro, ndoshta duke vënë re lëvizjen, ndoshta për të marrë pak ajër përpara vizitës, u largua nga qendra mjekësore.
Një karabinier iu afrua dhe i tha si quheni?: “Unë jam Matteo Messina Denaro”, ishin fjalët e fundit të ish-të arratisurit si i lirë.
“Matteo Messina Denaro u kap falë metodës Dalla Chiesa, d.m.th grumbullimi i një numri të madh të të dhënave nga shumë departamente të karabinierëve, në rrugë, përmes përgjimeve telefonike, bazave të të dhënave shtetërore, rajoneve administrative për të çuar në arrestimin e mëngjesit të sotëm”, - konfirmoi komandanti i karabinierëve, Teo Luzi në Palermo.
Në kyçin e dorës, shefi mbante një orë 35 mijë euro, një “Franck Muller”. "Ai ishte i veshur mirë, i pashëm, kishte veshur veshje luksoze, - saktësoi zëvendësprokurori i DDA Palermo, Paolo Guido, - nga kjo mund të nxjerrim se kushtet e tij ekonomike në këtë kohë nuk ishin asgjë tjetër, veçse jo të vështira".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
