Në 24 orët e fundit janë shtuar 7 raste të reja me Covid-19 në vendin tonë. Marjeta Dervishi nga ISHP deklaroi për mediat se numri i personave të shëruar tashmë ka kaluar numrin e të sëmurëve aktiv.
“Gjatë 24 orëve të fundit, 15 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 470.
Aktualisht në vendin tonë janë 272 pacientët aktivë me COVID19 dhe siç shihet numri i të shëruarve vazhdon të jetë më i lartë prej më shumë se dy javësh. Ju informojmë se, në shërbimin infektiv aktualisht janë 31 të shtruar. 6 pacientë janë në terapi intensive.
Në spitalin COVID 2 “Shefqet Ndroqi”, janë 5 pacientë të shtruar. 1 pacientë është në terapi intensive në gjendje më të rënduar.
Në dy spitalet COVID aktualisht po marrin shërbim 36 pacientë”, shtoi Dervishi.
Ndërsa shpërndarja gjeografike e rasteve vijon.
Bashkia Të prekur Të shëruar
Tiranë 320 207
Shkodër 110 74
Krujë 105 11
Durrës 42 38
Fier 37 32
Kurbin 31 3
Korçë 19 19
Elbasan 18 15
Kukës 18 10
Lezhë 14 14
Has 14 12
Kavajë 9 9
Lushnje 7 4
Vlorë 5 4
Pukë 5 4
Mirditë 5 3
Rrogozhinë 4 4
Tropojë 4 4
Berat 4 2
Mallakastër 1 1
Mat 1
Dervishi deklaron përsëri se pavarësisht luhatjeve ditore, gjendja është e kontrolluar, ndërkohë bën thirrje për qytetarët që tani më shumë se kurrë duhet të respektojnë distancimin social, për shkak të lehtësimit të masave.
Dervishi si gjithmonë theksoi se nëse qytetarët kanë probleme shenja të sëmundjes, të telefonojnë numrin 127 dhe nëse kërkojnë informacion të telefonojnë 0800 40 40.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
