.png)
Gjykata e Shkodrës ka lënë në “arrest me burg” Indrit Bajraktarin, pas mbytjes së 17-vjeçares Enisa Doda në Velipojë.
Në seancë, Bajraktari ka thënë se ai dhe vajza ishin pa jelekë mbrojtës teksa shëtisnin në det me motoskaf. Në dëshminë e tij të mëparshme, 25-vjeçari ka thënë se vajza ra nga motoskafi dhe u mbyt në ujë.
Bajraktari akuzohet vrasje për pakujdesia, si dhe për pengim të zbulimit të së vërtetës pasi fillimisht kur doli nga deti gënjeu pronarët e motoskafit dhe tentoi të largohet. Bajraktari kishte ardhur për pushime në Shqipëri, pasi jetonte në Angli dhe gjatë plazhit në Velipojë kishte njohur 17-vjeçaren Enisa Doda, me të cilën kishin njohje familjare dhe dolën xhiro me motoskaf. Ngjarja ndodhi më 19 gusht dhe Enisa Doda u mbyt në det pasi ra nga motoskafi.
Autopsia nxori se në trupin e Enisa Dodës kishte të nxira, por jo shenja dhune. Dyshohet se Doda nuk dinte not teksa sipas Policisë, Bajraktari e la në det të mbytur dhe doli vetë pa të dhe motoskafin në breg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
