Sot është zhvilluar Ministeriali i Mbrojtjes i Aleancës së Atlantikut të Veriut në Bruksel, ku prezente ishte dhe ministrja e mbrojtjes, Olta Xhaçka, e cila ka deklaruar se vendi ynë do të mbështesë ushtarakisht Kosovën dhe Letoninë.
“NATO, ka një rol vendimtar në mbrojtjen e rendit global, bazuar në vlerat e përbashkëta të Aleancës. Përmes përpjekjeve të saj të kombinuara me vendet tona sjellin ndryshim të madh në jetën e popujve. Propozoj fokus të vecantë të axhendës së NATO-s për sigurinë dhe stabilitetin në kufirin jugor të Aleancës. NATO e bashkuar dhe solidare, përgjigja më e mirë ndaj çdo rivali gjeopolitik të Aleancës. Shqipëria mbështet miratimin dhe zbatimin e Konceptit për Frenimin dhe Mbrojtjen në zonën Euro – Atlantike. Shqipëria konfirmon praninë e saj në Kosovë, Afganistan, Letoni,” shpjegoi ministrja e Mbrojtjes
Ministeriali do të zhvillohet edhe nesër ku do të diskutohet për masat në fazen e dytë të Covid-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
