.png)
Sot, maturantët po i nënshtrohen provimit të tretë të Maturës Shtetërore. Mbi 33 mijë maturantë testohen në lëndën e matematikës.
Provimi ka nisur në orën 10:00 dhe mbyllet në orën 12:30.
Për më pak se 1 orë që prej fillimit të provimit, në internet tashmë është shpërndarë edhe një nga tezat e provimit.
Teza A, e plotë, mund të gjendet kudo dhe duket se fotografitë i ka bërë një maturant që edhe ka plotësuar disa nga përgjigjet.
E njëjta gjë ka ndodhur ndër vite dhe nuk mungoi as këtë vit. Edhe në provimin e Gjuhë-Letersisë para një jave, teza u zbulua akoma pa mbaruar orari zyrtar i kryerjes së provimit, kur maturantë ishin ende në provim.
Testi i Maturës në total do të ketë 60 pikë, ku 20 pikë për pyetjet me alternativa dhe 40 pikë pyetjet me zhvillim. Për sa i përket nivelit të vështirësisë 40 % të pikëve të testit do të jenë nivel i parë, 40% niveli i dytë dhe 20 % që do të bëjnë diferencën e maturantëve më të mirë të cilët duan të arrijnë rezultate maksimale.
Maturanti do të jetë kalues nëse merr minimumi 25% të pikëve të testit.
Më datë 9 qershor maturantët dhanë provimin e gjuhës së huaj, ndërsa më datë 11 qershor iu nënshtruan provimit të Gjuhës Shqipe dhe Letërsisë. Më datë 24, është provimi i lëndës me zgjedhje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
