.png)
Gazeta Si – Gjykata e Tiranës ka lëshuar 15 urdhër-arreste pas një hetimit të Policisë së Tiranës për goditjen e “Call Center”-ave që mashtrojnë qytetarët në vendet e Bashkimit Europian.
Sipas policisë, drejt Shqipërisë janë bërë transferta parash në vlerën e 5 milionë eurove.
Nga 15 urdhër-arrestet, 6 janë shqiptarë dhe 9 italianë dhe në pranga ka rënë vetëm një person. Ai është A. L., 30 vjeç, banues në Tiranë.
Sipas sistemit TIMS, rezulton se 9 shtetasit italianë dhe 1 shtetas shqiptar nuk ndodhen në Shqipëri.
Ndërkohë, policia vijon kontrollet për kapjen e 4 shtetasve të tjerë shqiptarë, ndaj të cilëve është caktuar masa e sigurië “Arrest në burg”.
Gjithashtu, po bashkëpunohet edhe me autoritetet italiane për kapjen e 9 shtetasve italianë dhe të 1 shtetasi shqiptar, autorë të dyshuar për këtë veprimtari kriminale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
