.png)
Gazeta Si – “Sistemi lëshoi bombën bërthamore”. Kështu u shpreh Marine Le Pen, duke komentuar para deputetëve të Kuvendit Kombëtar dënimin e të hënës në gjyqin, ku akuzohet për shpërdorim të fondeve të Parlamentit Evropian.
“Na vodhën zgjedhjet politike, ne nuk do t’i lëmë francezët të vjedhin zgjedhjet presidenciale dhe ne do të fitojmë”, shtoi ajo.
Më jerët, disa anëtarë të Kuvendit Kombëtar sulmuan ashpër drejtësinë franceze. “Nëse sistemi francez përdor një armë kaq të fuqishme kundër nesh, kjo ndodh sepse jemi në prag të fitimit të zgjedhjeve”, tha liderja konservatore. “Nuk do ta lejojmë të ndodhë”.
Në një konferencë për shtyp në selinë e partisë së djathtë franceze, Marine Le Pen siguroi se formacioni i saj, “nuk do të lejojë të nëpërkëmbet, për të mbrojtur francezët që kanë të drejtë të votojnë kë të duan, për të mbrojtur vendin që po lëkundet. Ne do të përdorim të gjitha mjetet që kemi në dispozicion për të lejuar francezët të zgjedhin liderët e tyre të ardhshëm dhe ne do të fitojmë, sepse e vërteta dhe drejtësia duhet të fitojnë”.
Le Pen denoncoi edhe “ndërhyrjen” e magjistratëve në procesin zgjedhor.
“Kujt do të mund t’i japim nesër mësimin më të vogël të demokracisë në botë? Si mund ta mbrojmë zotin Navalny” ose “kundërshtarin e zotit Erdogan aktualisht në burg” në këto kushte?, pyeti më pas në mënyrë retorike kryetarja e Partisë Kombëtare, duke shumëfishuar kështu sulmet e saj kundër drejtësisë franceze, e cila, sipas saj, ishte “përgjegjëse” për dënimin ndaj.
Liderja e ekstremit të djathtë, u dënua nga një gjykatë në Partis me përjashtim 5 vite nga gara për postet publike, përfshirë atë të presidentit, si dhe me 4 vite burg, nga të cilat 2 të pezulluara dhe 2 të tjera me një byzylyk elektronik, pasi u shpall fajtore për përvetësim të fondeve të Bashkimit Europian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
