Gazeta Si – Luiza Gega ia ka dalë të sigurojë një vend në finalen e 3000 metrave me pengesa në Botërorin e Atletikës, që po zhvillohet në Budapest. Në baterinë e tretë atletja jonë zuri vendin e tretë, duke regjistruar kohën 9:17:71.
Para Gegës dolën vetëm dy atlete afrikane, keniania Jackline Chepkoech me kohën 9:16:41 dhe etiopiania Zerfe Wonmdemagegn me kohën 9:16:97. Luiza kryesoi pjesën më të madhe të garës, por u kalua në fund nga dy afrikanet. Finalja e 3000 metrave me pengesa do të zhvillohet më 27 gusht.
Kujtojmë që Luiza Gega ka pasur një shqetësim muskulor kohët e fundit, madje vuri në rrezik edhe pjesëmarrjen në garën e sotme. Vetëm në momentet e fundit u vendos që Gega të garonte për të mos e humbur mundësinë për të kaluar në finale.
Tashmë finalja është siguruar dhe Gega ka 4 ditë kohë për të rikuperuar energjitë dhe për të shkuar në aktin përmbyllës në formën më të mirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
