.png)
Gazeta Si – Luiza Gega gjithmonë në nivel të lartë. Atletja shqiptare e garave të gjata ka fituar sot gjysmë maratonën e zhvilluar në Tiranë, ku ka vendosur edhe një rekord kombëtar. Bëhet fjalë për një garë 21 kilometra të gjatë.
Kjo garë është organizuar nga Bashkia e Tiranës dhe nga Federata Shqiptare e Atletikës. Në të kanë marrë pjesë atletë nga i gjithë Ballkani, ndërsa vendi i parë ka takuar sportistes sonë. Edhe pse në mes të shiut, Gega ka kaluar e para finishin, duke regjistruar kohën 1.10.58.
“Kampione Ballkani në gjysmë maratonë dhe njëkohësishit rekord kombëtar, me kohën 1.10.58 (nga 1.13.11 i mëparshmi). Vetëm moti nuk na favorizoi sot, por çdo gjë tjetër e kam shijuar në maksimum. Faleminderit shumë të gjithëve për urimet dhe mbështetjen! Tani fokusi te stërvitja për garat e pistës, sepse kam një sezon vërtet shumë të rëndësishëm”, – shkruan mes të tjerash në faqen e saj atletja Luiza Gega.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
