.png)
E themeluar në 1720 si “Alla Venezia Trionfante” (Venecia Triumfuese), kafeneja e famshme në Sheshin San Marco të qytetit, shpejt u bë e njohur me emrin e pronarit të saj, Florian. Për dekada, ajo shërbeu si qendër letrare dhe filozofike e Venecias, duke tërhequr çdo turist dhe të njohur. Kafeneja gjithashtu luajti një rol në disa polemika të hershme politike: Në 1796, për shembull, autoritetet veneciane e mbyllën atë përkohësisht, të shqetësuar se Jacobins pro-revolucionare po mblidheshin atje, ndërsa në 1848, ishte vendi i favorizuar i takimit për separatistët venecianë që donin për të parë qytetin-shtet të pavarur nga Perandoria Austriake. Një nga dhomat më të zbukuruara të Florianit, “Salla e Senatit”, e ridekoruar në 1893, është e mbushur me referenca vizuale të fshehura, politikisht subversive, për Masonerinë. Stili i bollshëm i kafenesë aktuale, duke përfshirë dhoma me zbukurime, të pasqyruara, si “Salloni Oriental” dhe “Salloni Kinez”, kryesisht daton nga rinovimet e kryera në mes të shekullit të 19-të. Dhoma më e re, “Sala Liberty” u shtua në kafene në 1920.
Në çdo shkurt normal, ‘Florian’ do të dyfishohej me turistë dhe klientë që festonin karnavalet. Në 2020 ‘Florian’ festoi 300-vjetorin e hapjes dhe pikërisht atë vit, pandemia e ka detyruar kafenë të mbyllet përkohësisht, pa ndonjë datë të rihapjes.
Sipas asistentit të pronarit, Roberto Ferronato, disa klientë të rregullt, të veshur për karnavale shkuan në kafene në shkurt.
“Kush mund të kishte imagjinuar diçka që as Luftërat Botërore nuk e kanë shkaktuar. Ndjej hidhërim”, tha Ferronato.
Michele Bronzin, një barman në Florian, e quan atë më shumë sesa thjesht një kafene. “Është një ilaç”, tha ai. /Wall Street Journal/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje