Pamja e përgjithshme e urisë globale po përkeqësohet, me goditjet ekonomike dhe konfliktet që përkeqësojnë më shumë gjendjen.
Një raport i ri i publikuar sot përshkruan një pamje shqetësuese të gjendjes së urisë globale, me miliona njerëz që ende përballen me pasiguri të tmerrshme dhe vende të shumta që luftojnë për të shpëtuar nga fatkeqësitë.
Sipas Raportit Global të këtij viti mbi Krizat Ushqimore, një raport vjetor nga Organizata e Ushqimit dhe Bujqësisë (FAO) e Kombeve të Bashkuara, tabloja e përgjithshme globale e pasigurisë ushqimore po bëhet dukshëm më serioze.
Numri i njerëzve që jetojnë në kushte të mjerueshme është trefishuar në gjashtë vitet e fundit, që do të thotë se rreth 253 milionë njerëz në mbarë botën janë tani në limitet e mungesës së ushqimit, numri më i lartë i regjistruar ndonjëherë nga FAO.
Akoma më shqetësuese, raporti detajon një rritje të “pasigurisë akute ushqimore”, një kategori që raporti e përkufizon si “uri aq e rëndë sa që përbën një kërcënim të menjëhershëm për jetën e njerëzve”.
Një përqindje e lartë e njerëzve që jetojnë në kushtet më të këqija të pasigurisë ushqimore banojnë në të njëjtin numër vendesh që kanë qenë në krye të raportit të FAO-s për disa vite. Ndër njerëzit më të uritur në botë, plotësisht 40% jetojnë në Republikën Demokratike të Kongos, Etiopi, Afganistan, Nigeri dhe Jemen.
Në raport shkruhet se në shtatë vite raport, gjithsesi janë 38 vende që kanë qenë çdo vit pjesë e listës së vendeve me pasiguri ushqimore.
Lufta në Ukrainë është veçuar nga FAO si një nxitës i ri i madh i pasigurisë ushqimore në mbarë botën, që sipas raportit “shkaktoi një kulm të paprecedentë të çmimeve ndërkombëtare të ushqimeve” në gjysmën e parë të vitit të kaluar.
Ndërsa Rusia dhe Ukraina kanë arritur një marrëveshje për të siguruar që gruri ukrainas të mund të eksportohet për momentin, siç shpjegon FAO, si Rusia dhe Ukraina janë shtyllat kryesore të furnizimit botëror të ushqimit falë prodhimit të tyre të mallrave thelbësore ushqimore si gruri, misri dhe vaji i lulediellit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
