Edhe pse marrëdhëniet mes krerëvë të partisë janë shoqëruar kohët e fundit me akuza dhe kundër akuza në selitë e Tiranës, krejt ndryshe ndodh në rrethe, ku “dashuria” mes PS dhe LSI është për t’u pasur zili.
Ashtu siç ndodhi edhe në Durrës e Elbasan, buxheti i Bashkisë së Korçës kaloi me votat e bashkuara të dy ish-aleatëve të vjetër.
Socialistët në këtë bashki kanë 21 këshilltarë. Më herët ata kishin marrë dy këshilltarë të LSI-së, ndërsa sot edhe 3 të tjerë votuan buxhetin e bashkisë, me gjithë kundërshtimin e fortë të aleatëve të tyre nga Partia Demokratike Këta të fundit kërkuan të votohej kundër, për shkak të pakënaqësive që kishin për buxhetin.
1 miliard e 744 milionë lekë parashikohet të jenë fondet e bashkisë juglindore për vitin që vjen, 40 milionë më shumë se viti që po lëmë pas.
Kryebashkiaku Sotiraq Filo tha se buxheti i garanton Korçës të jetë në elitën e bashkive në të gjitha drejtimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
