.png)
Louis Vuitton po përballet me akuza për përvetësim kulturor mbi një shall prej 705 dollarësh të frymëzuar nga shalli palestinez dhe i shitur nga marka luksoze.
Në faqen e internetit të shtëpisë së modës franceze shalli është përshkruar si: “Frymëzuar nga shalli klasik dhe i pasuruar me elemente nga marka”.
“Një teknikë e endjes së xhakardit përdoret për të krijuar modelet e ndërlikuara të Monogramit në bazën e saj të pambukut, leshit dhe mëndafshit të përzier. I butë dhe i lehtë me skajet me cepa, ky ‘aksesor’ i përjetshëm është perfekti”, vazhdon përshkrimi i produktit.
Sidoqoftë, shumë prej tyre e kanë akuzuar Louis Vuitton për “përfitime nga njerëzit besimtarë” dhe dështimin për të njohur rëndësinë e shallit si një simbol të nacionalizmit palestinez.
“Është kaq e parespektueshme të shesësh simbolin e kulturës palestineze, keffiyeh për një shumë qesharake prej 705 dollarësh, pa pranuar se i përket kulturës palestineze”, shkroi një person në Tëitter.
Një person tjetër shkruajti: “Louis Vuitton thotë se ata janë politikisht neutralë, por po marrin fitime nga shitja e këtij shalli të prej 705$ dhe nuk është e drejtë kjo”.
Njerëzit gjithashtu kanë akuzuar LV për ngjyrat duke thënë se i kanë zgjedhur me qëllim ngjyrat e flamurit të Izraelit për shallin.
“Louis Vuitton është si” ne nuk do të komentojmë për politikën, por ne do ta shfrytëzojmë “, komentoi një person, ndërsa një tjetër tha:” Ata mund të kishin bërë një shall të rregullt, nuk jam i sigurt pse e ndien të nevojshme të marrësh konkretisht nga kultura e dikujt tjetër ?? Nuk është as një gabim apo rastësi e pafajshme, ata e dinë se nga vjen”.
Ndërkohë nuk ka akoma një reagim nga ana e shtëpisë së modës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
