.png)
Gazeta Si – Ish-oficeri i policisë Jeton Lami, ka lënë qelinë të dielën e shkuar, pasi ka përfunduar dënimin, ku akuzohej për shpërdorim detyre, pasi shoqëronte Ervis Martinajn ndërsa ky i fundit ishte në kërkim.
Lami u dënua vetëm për “shpërdorim detyre” me 2 vite e 10 muaj burg dhe e fitoi lirinë, pasi pjesën më të madhe të dënimit e shlyu me kohën e paraburgimit.
Polici u arrestua më 24 gusht të vitit që shkoi me kërkesë të Prokurorisë së Laçit, për akuzën e “shpërdorimit të detyrës”.
LEXO EDHE:
– Karriera e rrufeshme e policit që shoqëronte Martinajn – A ka dështuar FAST?!
– Ndihmoi Ervis Martinajn të arratisej, gjurmët që la pas agjenti i policisë
– “Jeton Lami njeh policë, prokurorë e gjyqtarë që paguhen nga Ervis Martinaj. Ta mbrojmë si dëshmitar!”
Teksa po hetohej për zhdukjen e të shumëkërkuarit Ervis Martinajt më 9 gusht, policia zbuloi se për t’u arratisur, Martinaj ishte ndihmuar nga agjenti i forcave operacionale në Policinë e Shtetit.
Gjatë fazës së hetimit dhe gjykimit të dosjes, Jeton Lami asnjëherë nuk pranoi akuzën e prokurorisë apo qoftë të flasë lidhur me fatin e zhdukjes së Ervis Martinajt mes zonës së Vorës dhe Shijakut.
Lami ka pohuar se gjatë kohës kur transportonte Ervis Martinajn, nuk ka pasur dijeni se biznesmeni i lojërave të fatit, ishte shpallur në kërkim me vendim gjykate.
Jeton Lami ishte personi dhe polici i fundit që natën e zhdukjes të 6 gushtit, transportoi me një “Audi” Ervis Martinajn nga Tiranë në Vorë në një hotel i shoqëruar nga një vajzë.
Më pas, Martinaj është larguar nën shoqërinë e një automjeti tjetër në zonën e Shijakut dhe pikërisht në këtë zonë humbin të gjitha gjurmët e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
