Biznesmeni Pëllumb Petritaj është liruar nga Gjykata e Vlorës, ndërsa mbi të rëndonte akuza e tjetërsimit të pronave në Karaburun dhe Zvërnec.
Vendimi për të liruar 54-vjeçarin me garanci pasurore është marrë në datën 7 maj, teksa ai ishte i dënuar me burg.
Mësohet se biznesmeni është lënë i lirë nën garancinë pasurore prej 2.5 milionë lekësh pas 7 muajsh qëndrimi në qeli.
Ndalimi i Petritajt u bë nga Seksioni i Krimit Ekonomik e Financiar pranë Drejtorisë Vendore të Policisë së Vlorës.
Ai dyshohej të kishte falsifikuar dokumentet e një toke rreth 100 ha tokë në zonën e Zvërnecit.
Nga ana tjetër prokuroria thotë se do apelojë vendimin duke kërkuar në Apel caktimin e masës së arrestit në burg për Petritaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
