Pushimet shpesh ndikohen nga faktori ekonomik. Shumë prej udhëtarëve zgjedhin destinacione bazuar në mundësitë e tyre të shpenzimeve, shkruan revista italiane e udhëtimeve “Latitudes Travel Magazine”.
Në fund të fundit, kostot e një udhëtimi shtohen mjaft shpejt.
Biletat e linjave ajrore dhe akomodimi janë zërat e shpenzimeve që kanë ndikimin më të madh në buxhet. Megjithatë, ekziston mundësia për të bërë pushime pa shpenzuar shumë.
Faqja e internetit “Condé Nast Traveler” ka sugjeruar 21 vende të lira për t’u vizituar vitin e ardhshëm.
Shqipëria është renditur mes destinacioneve që befasojnë me sharmin e tyre, dhe që ofrojnë pushime me kosto të ulët.
Shqipëria
Ka shumë destinacione, dhe jo vetëm në Evropë, që kanë shumë për të ofruar.
Shqipëria është gjithashtu një vend i nënvlerësuar nga turistët ndërkombëtarë.
Deti është një nga arsyet kryesore për ta vizituar atë, por jo vetëm.
Një perlë tjetër e vendit është kuzhina tradicionale, mishi i qengjit me aromë rozmarinë, djathërat e pjekur, levreku i zi dhe lëngjet e frutave janë disa kënaqësi që duhen provuar me patjetër.
Në Shqipëri ndodhet Agroturizmi Gjepali, një restorant i shndërruar në hotel me pamje nga lumi, me dhoma duke filluar nga rreth 70 euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
