.png)
Nga Gazeta Si- Skiatorja Lara Colturi është më afër medaljes së parë historikë për Shqipërinë, pas lëshimit të parë në disiplinën Slalom.
Në garën e fundit për Shqipërinë në Lojërat Dimërore ‘Milano Cortina 2026’, Colturi u nis e para dhe e mbylli lëshimin e parë me kohën 48.39 sekonda.
Në këtë garë marrin pjesë 95 skiatore, me disa prej tyre që janë më të mirat në botë.
Në këtë disiplinë garojnë edhe tre skiatore të tjera shqiptare. Lisa Bunga debutoi në këtë Olimpiadë në vendin e 58-të me kohën 57.55 sekonda, por u skualifikua për një shkelje në rregullat e garës. Skiatorja tjetër e Shqipërisë, Semire Dauti nuk mundi ta mbyllte garën duke u eliminuar pas sektorit të parë të pistës.
Tani pritet edhe lëshimi i dytë, final i Colturit i cili do të jetë rreth orës 13:00.
Lara Colturi deri më tani në Kupën e Botës ku ajo merr pjesë, ka regjistruar 4 podiume, dy vende të dyta dhe dy vende të treta, çka dhe e ka futur edhe në këtë garë olimpike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje