Me “falimentimin” e Internet Explorer, një pjesë e historisë së uebit zhduket. Një histori jo gjithmonë e lavdishme, por që gjithsesi na ka prekur të gjithëve. Para dy ditësh, Microsoft njoftoi daljen përfundimtare pas 26 viteve të karrierës së nderuar (jo gjithmonë).
Nga 15 qershori i vitit 2022, Internet Explorer nuk do të jetë më i disponueshëm në versionet e konsumimit të Windows 10, ndërsa kompanitë do të jenë në gjendje të përdorin browser-in e ri të Microsoft, Edge, me mënyrën IE.
Monopolisti i uebit
I promovuar në vitin 1995, Internet Explorer ka qenë sinonim i lundrimit për vite me radhë. Ai kishte lënë pas “Netscape Navigator” në të ashtuquajturën lufta e parë e browser-ve të atyre viteve, duke minuar rolin e tij të monopolistit me një sistem të thjeshtë dhe efektiv: ishte integruar në Windows 95.
Kush ndizte kompjuterin e tij të ri, shikonte një “E” ngjyrë të kaltër para sysh, gati për ta çuar më pas në brigjet digjitale, ndërsa “Nescape” duhej të shkarkohej veçmas.
Beteja ishte e pabarabartë. Dy vjet më vonë, Microsoft u dënua për abuzim të pozitës dominuese, por tashmë Explorer kishte fituar dhe froni i tij do të tronditej vetëm dy dekada më vonë, në luftën e dytë të browser-ve, ajo që në vitet 2010, pa si pretendentë të kalibrit, Firefox, Chrome, Safari, Opera.
Shumë çështje kritike
Tani që ata kishin alternativa të vërteta, përdoruesit kishin vërejtur kritikat e shumta të Explorer-it. E para është siguria me Gjermaninë, e cila në vitin 2010 kishte arritur të lobonte kundër, sepse ishte shumë e lehtë për t’u dëmtuar. Ai pastaj u bë gjithnjë e më shumë sinonim i ngadalësisë dhe shënjestra e preferuar e shumë memeve që e portretizuan atë si “budallain e fshatit” global, krahasuar me konkurrentët e shumtë dhe me performancë.
Sidoqoftë, ky integrim në Windows, e lejoi atë të ecte përpara në pjesën e tregut. Nëse në vitin 2004, browser-i përbënte 90% të tregut, në vitin 2013 ai ende mbante deri në 55%.
Monopoli thuajse Europian, tashmë kishte marrë një goditje në vitin 2009, kur BE hapi një çështje anti-trust kundër programit. Microsoft ishte detyruar të shpërndante një version pak të modifikuar të Windows 7, që i lejoi europianët të zgjedhin browser-in e parazgjedhur dhe shumë iu ishin drejtuar konkurrentëve.
E ardhmja
Sot browser-i ka vetëm 1% të tregut-desktop dhe kampioni i ri i internetit, është Google Chrome. Me 67% duket e pakalueshme për pasardhësin e Explorer Edge, i cili ka lindur në 2015-ën, është bazuar te vetë Chrome dhe ka rëndësi vetëm 8%.
Por, siç mëson teknologjia, kurrë nuk i dihet. Kishte raste kur Explorer dukej i pamposhtur dhe sot jemi këtu për të njoftuar “vdekjen” e tij.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
